Alam ng tao na may Dios. Ang katotohanang ito ay ibinigay at patuloy na ibinibigay ng Dios sa tao. Walang maaring idahilan ang tao kung bakit hindi niya kilala ang Dios. Ang pagsamba ng marami sa rebulto (at atbp) ay ebidensya lamang na nais nilang sumamba sa Dios. Ang pagkilala sa Dios ay hindi natututunan sa paaralan. Ito ay likas sa tao at hindi maaring burahin, kahit pa ano ang kanyang gawin.
Bagamat likas na kilala ng tao ang Dios, ito ay nabahiran ng kasalanan. Marami ang tahasang pinipili ang pagsuway. Mayroon namang nasa isip nila ang Dios, subalit wala silang pag-galang at pagpapahalaga sa Dios at iniisip pa nila na…

Ang tunay na karunungan ay ang tamang pagkilala sa Dios at sa ating sarili. Hindi tayo makakapag-isip ng tama sa ating mga sarili, maliban sa magkaroon tayo ng tamang kaisipan tungkol sa Dios. Ang Dios ang nagbigay sa atin ng buhay at lahat ng mabubuting bagay. Siya rin ang kumakalinga at nagpapanatili sa lahat ng Kanyang nilikha. Marapat lamang na Siya’y ating kilalanin .

Ngunit ang tao ay may likas na kayabangan. Iniisip niya na siya ay mabuti. subalit ang kanyang pagpapasya ay may bahid ng kasamaan. Iniiisip niya na ang isang bagay ay mabuti dahil hindi ito kasing sama ng iba. Ang puti sa kanyang paningin ay itim dahil sa…

Bakit tayo iniligtas ng Dios, tayong dating suwail, makasalanang bayan, kaaway ng Dios at nararapat parusahan? Ang Mabuting Balita ay
nagpapahayag na . “ … na nang tayo’y mga makasalanan pa, si Kristo ay namatay dahil sa atin.”(Rom 5:8) “… “…at ibinibigay ko ang aking buhay dahil sa mga tupa.”  Malinaw ang Biblia na sa pamamagitan ng pananampalataya, sa pagkabuhay, kamatayan at pagkabuhay na muli ni Kristo, tayo ay inaring ganap at itinuring na anak ng Dios. Ito ang mabuti sa Mabuting Balita (Gospel)! Ngunit ano ang dahilan?

May dalawang sagot sa tanong na yan. Una ay dahil mahal tayo ng Dios (Juan 3:16). Ikalawa. Para sa kapurihan ng Kanyang pangalan (Efeso…

Ang pagbabahagi ng Salita ng Dios ay utos sa bawat Kristiano. Hindi dapat hintayin na dumating ang oportunidad, kundi dapat ay gumagawa tayo ng oportunidad para dito. Nang sinabi ni Hesus na “magliwanag kayo sa sanlibutan”, ang kahulugan nito ay ang aktibong pag-gawa upang magliwanag. Kailangan ng disiplina para dito.

Maaring sabihin ng iba na kapos ang kanilang kaalaman sa Biblia kaya hindi sila nagbabahagi ng ebanghelyo. Ngunit ang bulag na pinagaling ni Hesus ay agad nagpatotoo sa ginawa ni Hesus sa kanya. Siya ay nagsabi: “Isa lamang ang nalalaman ko, bagaman ako’y bulag, ngayo’y nakakakita ako.”. (Juan 9:25). Kung naunawaan natin kung paano tayo naligtas, kaya natin itong ibahagi sa…

Kakaiba ang pang-akit ng restaurant na ito sa mga customer. Ang pag-iihaw ng manok at karne ay ginagawa sa labas, at ang nakakagutom na amoy ng barbecue ay umaabot hanggang sa kabilang dako ng kalsada. Maraming dumadaan ang naakit kumakain dahil sa nakakagutom na samyo ng masarap na ulam.

Ganito inihalintulad ni Pablo ang buhay ng mga Kristiano. Tayo ay halimuyak ni Kristo sa mga maliligtas at sa mga hindi maliligtas. At sino ang marapat sa pagkatawag na ito? Ang kapangyarihan ng Dios…

Ang pagbabahagi ng Ebanghelyo ay utos sa bawat Kristiano. Subalit bakit ilan lamang ang gumagawa nito? Marami silang dahilan: walang kakayahang magsalita, hindi malawak ang kaalaman sa Biblia, baka hindi masagot ang mga tanong at walang tapang na gawin ito. Subalit ang oras na tayo ay may tapang at handa ay hindi darating. Kung ang bulag na pinagaling ni Hesus sa Juan 9 ay natakot, makapag-papahayag ba siya ng pagliligtas ni Hesus sa mga kritikong Fareseo?

May iba pang dahilan kung bakit hindi tayo makapagbahagi ng Salita. Ayon kay George Barna, isang researcher, itinuturing ng 9 sa 10 nagbahagi ng Salita na sila ay bigo. Likas sa tao ang maghangad ng…

Ang unang pagsasanay sa disiplina ng pagsamba ay ang katapatan sa pagsamba kasama ng Iglesia. (Hebreo 10:25). Ang Kristianismo ay hindi pang-isahang relihiyon . Ito ay inihambing sa katawan (I Corinto 12:12), sa isang gusali (Efeso 2:21) at sambahayan (Efeso 2:19). Ang pagsamba ay ang pagsasama-sama at pisikal na presensya ng bawat isa. Ang panonood ng worship services sa TV o pakikinig ng sermon sa radio ay hindi maituturing na pagsamba. Makaka-tulong ito sa ispiritwal na paglago,(kung tama ang doktrina) subalit hindi ito dapat ipalit sa Linguhang pagsamba kasama ng kapatiran sa Iglesia.
Maging ang personal devotion ay hindi maaring ipalit sa Sunday Worship, at ang pagdalo sa Sunday Worship ay…

Sa Juan 4:23-24 ay mababasa ang basihan ng tamang pagsamba na nakalulugod sa Dios. “Datapuwa’t dumarating ang oras, at ngayon nga, na sasambahin ng mga tunay na mananamba ang Ama sa Ispiritu at katotohanan: sapagka’t hinahanap ng Ama ang mga gayon na maging mananamba sa kaniya. Ang Dios ay Espiritu: at ang mga sa kaniya’y nagsisisamba ay kinakailangang magsisamba sa espiritu at sa katotohanan.”

Upang makasamba sa Ispiritu at katotohanan, dapat ay nasa puso natin ang Banal na Ispiritu, na Siyang Ispiritu at katotohanan. (Jn 14:17). Siya ay nananahan sa puso ng taong nagsisi at nanampalataya kay Kristo. Ang tunay na pagsamba ay mula sa paghimok ng Banal na Ispiritu.

Subalit kahit…

Ang salitang “worship” ay hango sa salitang “weorthscype” o “worthship”, ibig sabihin ay ang pagbibigay ng karampatang parangal at pagkilala. Ang Dios ay marapat lamang sambahin sapagkat Siya ang soberano, makapangyarihan at katas-taasang Dios na lumikha sa atin.

Sa aklat ng Revelation ay ating mababasa ang walang tigil  na pagsamba ng mga anghel. Ito ay dahil kanilang nakikitang kalualhatian ng Dios.  Ngunit kung wala sa langit, paano makikita ang kalualhatian ng Dios?

Una ay sa Kanyang nilikha. Pagsamba sa Lumikha ang tamang reaksyon kung mamasdan ang magagandang tanawin at kamangha-manghang nilalang ng Dios. (Roma 1:20) Ikalawa, ang Biblia gayon din, ay nagpapahayag ng kalualhatian ng Dios. Kaya’t katungkulan natin na kilalanin ang…

Isa sa nakalulungkot kong karanasan ay ang aking ikasampung kaarawan. Maaga pa ay ipinamigay na ang imbitasyon sa aking 8 kaibigan. Alam kong magiging napakasaya ang aking kaarawan. Nang araw na iyon, pagkatapos ng klase, pumunta sila lahat sa aming bahay. Ang aking ama ay nag-ihaw ng hot dog at hamburger, habang ang aking ana ay abala sa pag-aayos ng aking birthday cake. Pagkatapos naming maubos ang ice cream at malaking bahagi ng cake, oras na upang buksan ang regalo, pero hindi ko maalala na mayroon silang regalo. Pero hindi mahalaga ang regalo. Mas gusto ko na kasama sila dahil wala akong kapatid na lalaki. Pero may regalo…